LSDM sot pritet që të zgjedhë mandatarin për krijimin e qeverisë liderin e saj Zoran Zaev, informon INA.
Në mbledhjen e kryesisë qendrore të kësaj partie pritet të shpaloset marrëveshja për qeverinë me partitë shqiptare, por edhe detaje të tjera, që më në fund do të pasojnë me dhënien e mandateve për Zaevin, pasi që BDI mbrëmë theksoi se do ti jap mandatet atij për formimin e Qeverisë.
Gatishmërinë për dhënien e mandateve më parë e kanë shprehur edhe Aleanca për Shqiptarët dhe Rilindje me BESË.
Zaev nga Sarajeva dy ditë më parë paralajmëroi se ka siguruar nënshkrimet dhe brenda 10 ditëve do të formohet Qeveria.
LSDM e do këtë kandidat shqiptar për kryetar të Parlamentit
Branko Manojlovski, shqiptari ortodoks nga Kiçinica e Rekës së Gostivarit që fitoi mandatin e deputetit me BDI-në, është figura e preferuar e LSDM, që ai të jetë kryeparlamentar.
Por siç mëson INA, Manojlovski nuk dëshiron që të marrë këtë detyrë, edhe pse ai është një kuadër i përgatitur me fakultetin e kryer të inxhinierisë në Universitetin e Zagrebit. BDI ka nxjerrë kandidatura të tjera për këtë post, ku nuk përjashtohet Talat Xhaferi që të jetë në këtë post, ose Xhevat Ademi.
Nga LSDM kanë theksuar se nuk mund të japin detaje për çështje të tilla, që sipas tyre, ende nuk po diskutohen dhe se fillimisht prioritet i tyre është sigurimi i mandateve për deputetë. (INA)
