Drejtori i ISHM, Ergys Agasi, ka bërë të ditur se katër persona janë dërguar për ndjekje penale për shkak se prisnin pyjet pa leje. Inspektoriati Shtetëror i Mjedisit bën të ditur se këta katër shtetas janë Devis Hysolli, Besnik Braholli, Ersin Braholli dhe Sentiljan Braholli.
Inspektorët e ISHM kanë pikasur shtetasit e mësipërm duke prerë pemë në zonat e mbrojtura. Ky institucion ka nisur një aksion në mbarë vendin, ndërkohë që Agasi është zotuar se çdo shtetas që dëmton mjedisin do të dërgohet për ndjekje penale.
Prej vitesh flora dhe fauna e Shqipërisë është në zhdukje e sipër edhe pse vendin ynë zotëron kryesisht shumë bimë dhe pemë të rralla.
