Prishtina ka mposhtur Beroen edhe në takimin e dytë për të siguruar finalen e Ligës Ballkanike.
Pak ditë pas fitores në Bullgari, “Plisat” mposhtën sërish këtë skuadër me rezultat 94:75 për të siguruar përballjen me Mornarin. Lojtari më i dalluar ishte Dardan Berisha që realizoi 28 pikë.
Tani Prishtina synon mbrojtjen e titullit me dy ndeshjet që zhvillohen më 12 dhe 20 prill. Takimi i parë luhet në Prishtinë.
