Kryetari i Partisë Demokratike, Lulzim Basha, reagoi sërisht të mërkurën pasdite ndaj prishjes së kishës ortodokse të Shën Athanasit në Dhërmi nga INUV.
Kryetari i PD akuzoi kryeministrin Rama se “tregon forcë e arrogancë mbi një komunitet, pa i dëgjuar, pa u ulur me ta për zgjidhje paqësore siç do të bënte një kryeministër i qytetëruar”.
“Po gjetkë e ka hallin”, theksoi Basha, duke shtuar se, “kërkon të mbulojë me këtë turp, turpe të tjera, lidhjet me krimin. Kërkon të mbulojë aferat e drogës së shefit të tij të policisë në Vlorë, aferat e doganave e tatimeve ku janë vjedhur 160 milionë dollarë. Kërkon të largojë vëmendjen nga kriza e thellë ekonomike shkaktuar nga korrupsioni e taksat e larta, padrejtesitë dhe ortakëria me krimin, krizë që po sjell rrënim dhe eksod dramatik”.
Por, vijoi Basha, “nuk fshihet dot duke mbuluar turpin me turp. Është para qytetarëve të vendit, nën akuzë”.
Më herët sot kreu i PD, në emër të Partisë Demokratike dënoi ashpërsisht atë që ai e cilësoi si, “dhunën e Edi Ramës ndaj objektit të kultit në Dhërmi.
Kyeministri Edi Rama u është përgjigjur akuzave të Partisë Demokratike në lidhje me qëndrimin e saj për kishën në Dhërmi, madje ka konsideruar dhe një tendencë të PD-së për të mbjellë përcarje.
Kryeministri Edi Rama nëpërmjet rrjetit social “Facebook”, u është përgjigjur akuzave të Partisë Demokratike në lidhje me qëndrimin e saj për kishën në Dhërmi, madje ka konsideruar dhe një tendencë të PD-së për të mbjellë përcarje.
