Mbreti i ardhshëm i Anglisë, për momentin vetëm 2-vjeçari Princ George, dhe motra e tij 5-muajshe, Princesha Charlotte, po shfaqin karaktere shumë të ndryshëm, thotë babai i tyre, Princi William, i dyti në radhë për t’u ulur në fron pas Mbretereshës Elisabeth. Princi 33-vjeçar foli për fëmijët e tij në një vizitë në kolegjin ku vetë studioi për agrikulturë, St. John’s College në Cambridge. “Ai tha se George është shumë i gjallë, ndërsa Charlotte ka sjellje zonje, por sigurisht që të dy janë shumë të ëmbël”, tregoi profesori i kolegjit, Dobson.
