Princesha e Spanjës Kristina hodhi poshtë akuzat për evazion fiskal para gjykatës së vendit të vet dhe ka deklaruar se nuk e dinte se pse shpenzimet e saj personale ishin paguar nga kompania me kartë krediti, në pronësi të përbashkët nga ana e saj dhe e të shoqit.
Gjatë dëshmisë njëzetëminutëshe, Kristina theksoi se burri i saj kujdesohet për shpenzimet familjare, dhe se ajo nuk është në transaksionet financiare në kompanitë e tyre për shitjen e pasurive të patundshme.
Princesha spanjolle, nëse shpallet fajtor, mund të dënohet me tetë vjet burg. Kristina dëshmoi një ditë pasi burri i saj përfundoi dëgjimin e tij tre-ditor për të njëjtat akuza. Inaki Urdangarin ka dështuar të shpjegojë shpenzimet personale të tilla si koha në safari, ose llogaritë për verën e rezervuar nëpërmjet llogarive të kompanisë në pronësi të përbashkët nga çifti mbretëror i Spanjës, theksoi agjencia AP.
Ai i tha gjykatës se gruaja e tij Kristina kurrë nuk ka përdorur ndonjë kartë krediti të sipërmarrjes të përbashkët të kompanisë “Imobilare Aizone “.
Urdangarin, një ish-kampion olimpike në hendboll, është akuzuar gjithashtu për shpërdorim të ish titullit të tij të Dukës së Palma dhe përvetësim të rreth gjashtë milionë eurove përmes kontratave në institucionet jo-fitimprurëse, ku ai ishte president.
