Prifti italian: Pedofilia, fajtorë janë fëmijët
“Pedofilinë mund ta kuptoj, homoseksualitetin jo”. Mund të duket shokuese, por këto janë fjalët e një prifti gjatë një emisioni direkt. Don Gino Flaim i kishës “San Pio X” në Trento, Itali, ka dhënë opinionin e tij mbi një prej temat më të debatuara kur është fjala për kishën: pedofilinë. Flaim e justifikon këtë akt duke thënë: “I njoh fëmijët. Për fat të keq ata mund të kërkojnë një dashuri që nuk e gjejnë në shtëpinë e tyre dhe ndonjë prift mund të tundohet nga kjo”.
Ndërsa në lidhje me homoseksualitetin, Don Gino Flaim thotë se “ekziston brenda kishës, e cila është një komunitet mëkatarësh. Sëmundje si homoseksualiteti mund të ndodhin”.
Deklarata e bërë sot gjatë një transmetimi në televizionin La7 i ka shokuar teleshikuesit dhe të pranishmit në studio. Dioqeza në varësi të të cilës është prifti është distancuar menjëherë nga qëndrimet e tij dhe i ka hequr atij të gjitha të drejtat si pastor.
