Bugatti Chiron është prezantuar me krenari në Panairin e Gjenevës si makina më e shtrenjtë dhe më e shpejtë në botë. Modeli i ri i kompanisë franceze arrin shpejtësinë 420 km në orë dhe ka një çmim fillestar 2.4 milionë euro.
“Është padyshim një simbol, sepse sapo ti dëgjon që në treg ka një makinë Bugatti, mendja të shkon tek ekstremja, tek supermakina, një treg super luksoz, sepse këto makina shiten mbi 1 milion euro. Këto makina kanë bërë histori sepse kur kujton makinat e shpejta dhe luksoze, Bugatti është e para që të vjen ndër mend”, thotë François Roudier, zëdhënës i Komitetit Francez të Konstruktorëve të Makinave,
Një tjetër makinë që ka tërhequr vëmendjen në Gjenevë është Lamborghini Centenario, i cili përkujton 100-vjetorin e themeluesit, Ferrucio Lamborghini.
Edhe makina italiane ka një çmim marramendës, edhe pse më e lirë se Bugatti, duke nisur nga dy milionë euro.
