Associated Press shkruan se Uashingtoni zyrtar ka rritur presionin e saj mbi opozitën shqiptare për miratimin sa më shpejt të reformës në drejtësi.
Në një artikull të botuar mbrëmjen e djeshme AP citon edhe telefonatën e ndihmës-sekretares së Shtetit Victoria Nuland ndaj Lulzim Bashës. “Reforma në drejtësi është prioriteti më i madh për progresin e Shqipërisë drejt Bashkimit Europian”, citohet të ketë thënë Nuland. Një ditë para telefonatës së Nuland, ishte Johannes Hahn që kërkoi miratimin sa më shpejtë të reformës në drejtësi, vijon artikulli i AP raporton Dita.
“Pavarësisht vizitave të rregullta dhe këmbënguljes së ambasadorit amerikan Donald Lu dhe asaj të BE, Romana Vlahutin, demokratët nuk bien dakord për miratimin e draftit të reformës në drejtësi, pavarësisht se kishin rënë dakord parimisht kohë më parë. Votat e demokratëve janë të domosdoshme për miratimin e reformës në drejtësi”, shkruan AP./a.m.
