Kryedemokrati Lulzim Basha ka komentuar deklaratën e të dërguarit të SHBA për Ballkanin Perëndimor Mattheë Palmer i cili tha se “bojkoti nuk i ka sjellë opozitës fuqi më të madhe politike dhe nuk ka mundur që të imponojë zgjedhje të parakohshme.
Merrni këtë mundësi, negocioni në mirëbesim për reformën elektorale që kërkoni.”
I ftuar në RTSH, Basha u shpreh se opozita ka bërë pikërisht atë që kërkojnë SHBA dhe Bundestagu gjerman.
“Ajo që ne kemi bërë është pikërisht kjo. I takonte partisë në pushtet dhe kryeministrit të bënin ofertën e tyre, siç ia ka përsëritur në mënyrë domethënëse në Tiranë dhe në Romë kryeministri Conte, por në fakt ka qenë opozita që ka propozuar instrumentin.
Po mbushet muaji që ne kemi propozuar 5 pikat tona, për Reformën Zgjedhore që nisin pikërisht nga ulja pa kushte në një tryezë ku janë të përfaqësuar PS, opozita e bashkuar, faktori ndërkombëtar, por jo vetëm kaq, faktori shoqëror që nuk mund të përjashtohen nga diskutimi për reformën zgjedhore, pasi nuk i takon vetëm partive politike”, është shprehur Basha.
