Presion nga Basha? Deputeti i PD: S’më heq dot si deputet! Nuk i frikësohem asgjëje, përveç Zotit

Deputeti i PD-së Saimir Korreshi, foli në lidhje me forcën e tij politike dhe qëndrimin e tij ndaj dy palëve.

Në një intervistë për Euronews Albania, i pyetur nëse ka pasur presion nga Lulzim Basha, Korreshi theksoi se nuk i frikësohet askujt ndërsa shtoi se kreu i PD-së nuk mund të shkarkojë dot njeri.

Ai theksoi se Basha nuk mund ta shkarkojë as nga Grupi Parlamentar i PD-së.

“Unë nuk i frikësohem askujt në jetë përveç Zotit. Basha nuk shkarkon dot njeri nga deputet. Nuk na heqë dot as nga Grupi Parlamentar.

Mendoj se ne nuk kemi aq negativizëm sa Basha të arrijë për të na shkarkuar nga Grupi Parlamentar. Shkarkimet ndodhin në Partinë Komuniste dhe jo në PD. Shkarkimet nuk i bëjnë mirë askujt”- tha ai./m.j