Në podcastin e tij “Flasim” këtë të dielë, 28 dhjetor, kryeministri Edi Rama u ndal te hetimet ndaj Agjencisë Kombëtare të Shoqërisë së Informacionit dhe Mirlinda Karçanajt, e cila aktualisht ndodhet nën masën e sigurisë “arrest në shtëpi”.
Rama theksoi se duhet pritur me durim nga organet e drejtësisë për të vërtetën e saj dhe skuadrës së AKSHI-t. Sipas tij, gjithë zhurma histerike nuk e zhbën dot rezultatin fantastik në këtë fushë të veprimtarisë së AKSHI-t!
Kujtojmë se më 23 dhjetor, Karçanaj dha dorëheqjen nga posti, duke ia deleguar kompetencat vartëses së saj, Romina Kostani. Karçanaj është marrë e pandehur nga Prokuroria e Posaçme AntiKorrupsion për abuzime me tenderat e agjencisë që drejton.
