Në pallatin e Brigadave, Fatmir Xhafaj, kryetari i komisionit të reformës në drejtësi ka organizuar një pritje për miratimin e kësaj reforme.
I pranishëm në këtë pritje është edhe presidenti i Komisionit të Venecias Gianni Buquiçhio, i cili e ka konsideruar miratimin e reformës në drejtësi si një hap të rëndësishëm përpara, duke thënë se miratimi i kësaj reforme i jep mundësinë e situatës në sistemin e drejtësisë në Shqipëri.
Duke u ndalur të procesi dhe rruga e ndjekur deri në miratimin e reformën, Presidenti Buquiçhio theksoi se kryeministri Rama ka luajtur një rol thelbësor në këtë proces. “ Më duhet të theksoj rolin e rëndësishëm që ka luajtur kryeministri Rama për fillimin e këtij procesi përpara 2 vitesh. Jam i kënaqur që edhe Komisioni i Venecias ka luajtur një rol aktiv në këtë proces.”, u shpreh ai.
Duke folur Komisionin e Posaçëm të drejtuar nga zoti Xhafaj dhe praninë e eskpertëve në process presidenti i Komisionit të Venecias u shpreh se “ shpreh admirimin tim për profesionalizmin e treguar nga ekspertët që kanë punuar më komisionin e posaçëm i kryesuar nga zoti Xhafaj, entuziazmi i të cilit për reformën ka qënë i mrekullueshëm.”
Ai theksoi poashtu se “përpos punës së shumë të mirë të ekspertëve vendas, një rol të rëndësishëm ka luajtur ato ndërkombëtar, jo vetëm nga ana dioplomatike, por edhe atë teknike.”
