Presidenti i Sllovenisë, Borut Pahor i ka dërguar një letër urimi Ilir Metës, pas zgjedhjes si president i Republikës. Në letrën drejtuar Metës, Pahor vlerëson progresin e Shqipërisë, ndërsa kërkon thellimin e mëtejshëm të marrëdhënieve midis dy vendeve. Ndër të tjera në letër thuhet se Shqipëria është faktor stabiliteti në rajon.
Letra e plotë e Borut Pahor:
Shkëlqesia Juaj,
Ju lutem më lejoni, që me rastin e zgjedhjes tuaj President i Republikës së Shqipërisë, t’ju uroj shumë sinqerisht në emër të popullit slloven dhe në emrin tim personal.
Pres me padurim të bashkëpunojmë për thellimin e mëtejshëm të marrëdhënieve të mira dhe miqësore midis dy vendeve tona, si dhe për një dialog të vazhdueshëm mbi çështjet rajonale dhe ato të komunitetit më të gjerë ndërkombëtar.
Sllovenia i kushton një rëndësi të veçantë mbajtjes së një dialogu dinamik dhe dialogu të hapur politik me vendet e Ballkanit Perëndimor. Sllovenia dhe Shqipëria kanë interesa të njëjta në kuadër të NATO-s, duke kontribuar së bashku për konsolidimin e paqes dhe sigurisë në botë.
Përfitoj nga rasti t’ju përgëzoj për progresin që Shqipëria ka arritur në rrugëtimin e saj drejt Bashkimit Europian, gjë që padyshim është rezultat i punës së suksesshme të Qeverisë dhe Kuvendit të Republikës së Shqipërisë.
Unë besoj se Shqipëria, si një faktor i rëndësishëm stabiliteti në rajon, do të vazhdojë me përgjegjësi në këtë rrugë dhe për këtë do të ketë mbështetjen e vazhdueshme të Sllovenisë.
Ju uroj shumë suksese në kryerjen e detyrës tuaj të re, si dhe përmbushje personale në përpalljen e sfidave që ju presin.
Ju lutem pranoni, Shkëlqesia Juaj, sigurimet e konsideratës time më të lartë.
Sh.T.
Ilir Meta
President i Republikës së Shqipërisë
TIRANË
ma.me
