Platforma e re për Kosovën e kryetarit të Serbisë, Tomislav Nikoliq, e paralajmëruar me zhurmë si një “zgjidhje moderne” e gjetur, do të duhej që brenda dy ose tri ditësh të shkojë në duar të kryeministri serb Aleksandar Vuçiq, shkruan gazeta e Beogradit “Politika”.
Sipas kësaj gazete, Nikoliq do të propozojë që veriu i Kosovës të vazhdojë të trajtohet në përputhje me Kushtetutën e Serbisë, ndërsa territori ‘jashtë’ Asociacionit Serb të Komunave do të kishte trajtimin “që shqiptarët e kishin në ish – RFSJ”, referuar Koha.net. Habia më e madhe për shqiptarët është se Nikoliqi nuk e njeh dhe e pranon realitetin e ri të krijuar në Kosovë pas luftës dyvjeçare ndërmjet Kosovës e Serbisë, gjatë të cilës forcat serbe kryen krime çnjerëzore mbi shqiptarët, ndërhyrjen e bashkësisë ndërkombëtare, shpalljen e pavarësisë së Kosovës dhe njohjen e kësaj pavarësie nga 100 shtete të botës.
Ai ka mbetur fare pas dhe përmend një Federatë, ku Kosova të jetë pjesë, duke harruar sesi i shpërbënë edhe republikat!
