Deputeti socialist Ben Blushi vijon të jetë mjaft aktiv në fushatën përndryshimin e kushtetutës sa i takon zgjedhjes së presidentit. Ai u ka bërë thirrje shqiptarëve të nënshkruajnë peticionin për zgjedhjen e presidentit nga populli.
“Më shumë se 60 për qind e demokracive parlamentare e zgjedhin Presidentin nga populli. Kjo nuk është një dhuratë për popullin, ky është një detyrim.
Kushtetuta dhe uniteti kombëtar mbrohet më mirë nga miliona zgjedhës se sa nga 140 deputetë. Disa palë duan që Presidentin ta mbajnë për vete dhe nën vete. Ne duam që Presidenti të jetë mbi palët dhe jashtë palëve
Ushtrojeni këtë presion përmes votës suaj, nënshkruani peticionin ! Çdo votë e juaja ka vlerë për demokracinë e Shqipërisë !”, shkruan Blushi./a.m.
