Presidenti i vendit, Ilir Meta e ka nisur diten me nje urim dhe nje apel. Duke uruar Ditën Ndërkombëtare të Familjes, kreu i shteti ka theksuar se ai mbeshtet forcimin e rolit dhe vlerave të familjes dhe ka apeluar per politika më konkrete sociale dhe ekonomike në këto drejtime.
“Vendi ka nevojë për më shumë familje të reja e të qëndrueshme, për më shumë fëmijë dhe kushte më të mira për mirërritjen dhe edukimin e tyre, për politika më konkrete sociale dhe ekonomike në këto drejtime”, shkruan Meta.
Mesazhi i Metës
Gëzuar Ditën Ndërkombëtare të Familjes! Një familje e lumtur, solide, në mirëqënie dhe paqe brenda saj, ka vlera të jashtëzakonshme për zhvillimin e begatinë e shoqërisë, atdheut e kombit tonë. E mbështes fuqimisht forcimin e rolit dhe vlerave të familjes, si dhe do vijoj të promovoj mbajtjen shëndoshë të saj. Vendi ka nevojë për më shumë familje të reja e të qëndrueshme, për më shumë fëmijë dhe kushte më të mira për mirërritjen dhe edukimin e tyre, për politika më konkrete sociale dhe ekonomike në këto drejtime. Falënderoj udhëheqësit e besimeve tona fetare për përpjekjet e tyre të vazhdueshme për të forcuar vlerat e familjes. Zoti i bekoftë familjet tuaja!🇦🇱
g.kosovari
