Presidenti i Republikës, Ilir Meta ka dekretuar sot emërimin e Visho Ajazit si ambasador në NATO.
Visho Ajazi Lika ka mbajtur më herët postin e drejtorit të SHISH. Ai u dorëhoq nga ky funksion në nëntor të këtij viti, ndërsa u propozua nga kryeministri Edi Rama ambasador në NATO.
Presidenti Ilir Meta ka dekretuar emërimin e zonjës Albana Dautllari, ambasadore në Misionin e Përhershëm të Republikës së Shqipërisë në Strasburg, rezidente
Meta dekretoi dhe emërimin e zotit Igli Hasani, ambasador pranë Misionit të OSBE-së dhe Organizatave Ndërkombëtare në Vjenë.
Edhe pse kreu i Shtetit ka dekretuar tashmë emërimin e Visho Ajazi Likës në postin e rëndësishëm diplomatik në NATO, një gjë të tillë nuk e ka bërë me dekretin e kreut të ri të SHISH. Pak ditë më parë, Meta u shpreh se i duhet ende kohë për dekretimin e emrit të Helidon Bendos i propozuar nga kryeministri Edi Rama.
a.ç
