PS nuk e ka një ende një emër për presidentin e ri. Kështu tha në Radarin Informativ në Abc Ministrja e Shtetit për Standardet Milva Ekonomi. Ajo theksoi se presidenti duhet të ketë karakteristika që e bëjnë konsensual.
“Edhe sipas të gjitha eksperiencave, grupet politike duhet të bien dakord. Duhet bërë një diskutim me grupet politike. Presidenti betohet mbi kushtetutë. Detyra e tij bazohet mbi të. Në parlament kemi disa grupe opozitare edhe PD është një prej tyre por në këtë moment është e copëtuar e thërrmuar aty. Pd ka një grup zyrtar brenda përfaqësimit në parlament. Do ta zgjedhë vetë grupin. Presidenti duhet të ketë karakteristika që e bëjnë konsensual”.
Duke mos dhënë asnjë emër Ekonomi tha se brenda të hënës duhet të dorëzojnë tre emra për presidentin e ri.
“Ne kemi detyrë që brenda të hënës tjetër të mendojë për 3 emra. Nuk ka ende një emër që qarkullon”
Ministrja nuk e përjashtoi mundësinë e një presidenteje grua.
“Është dhe ky një opsion. Ende s’ka një emër që po qarkullon”./m.j
