Kryetari i Grupit Parlamentar “Aleanca për Ndryshim”, Fatmir Mediu, ka folur në lidhje me procesin e zgjedhjes së presidentit të ri, pasi më 24 korrik Ilir Metës i mbaron mandati presidencial.
Në një intervistë për Ora News, Mediu dhe të gjithë deputetët e opozitës duhet të ulen për të përcaktuar një trupë të përbashkët negociuese, e më pas për të marrë vendimin nëse do hyjnë ose jo në procesin e zgjedhjes së presidentit.
Duke dale ne kete menyre kunder qendrimit te Berishes, i cili eshte shprehur i prere se nuk do te kete asnje negociim per Presidentin ne nje proces qesharak sipas tij, te organizuar nga Rama.
Mediu tha se nëse presidenti do të zgjidhet nga mazhoranca nuk do të jetë garant i unitetit të popullit, ndërsa shtoi se presidenti duhet të jetë mbi palët.
Fatmir Mediu: Nuk janë negociata, së bashku me Dukën vajtëm dhe shprehëm një qëndrim të aleancës për ndryshim si grup parlamentar që opozita duhet të ketë një përfaqësi të vetme. Mendoj se opozita ka një detyrë që të mos diskutojë dhe të masë sinqeritetin e Edi Ramës por të vendosë në raport të sinqertë qoftë me Kushtetutën, qoftë dhe me qytetarët shqiptarë.
Të gjithë deputetët e opozitës duhet të ulen dhe të përcaktojnë një trupë të përbashkët negociuese, për të marrë ndoshta vendimin për të hyrë ose jo në negociata, për hyrë ose jo në proces. Duhet të negociojmë sipas Kushtetutës për një president që është mbi palët e cila duhet të vijë nëpërmjet konsensusit.
Është i rëndësishëm procesi. Po të lexojmë Kushtetutën parashikon një president që është mbi palët, pra një president që nuk zgjidhet nga një mazhorancë. Nëse presidenti do të zgjidhet nga një mazhorancë, nuk do të jetë garant i unitetit të popullit.
Ky është një proces që duhet të identifikojë figurat nga të gjitha fushat që bëhen të pranueshme nga propozimet që vijnë nga të dyja palët, si nga mazhoranca edhe nga opozita. I vetmi rast, që mazhoranca mund ta zgjedhë atë në mënyrë të njëanshme do të ishte rasti i cenimit të mazhorancës parlamentare, i një krize parlamentare. Çdo veprim tjetër është absurd dhe i papranueshëm.
I pyetur për takimin e dy ditëve më parë me Taulant Ballën, Mediu sqaroi: Ka qenë takim i shkurtër, ku ne thamë që opozitës nuk mund t’i caktohet se kush negocion nga ana e PS. Deputetët e opozitës duhet të kenë një trupë të përbashkët negociuese dhe prezantuam dy fusha që mendojmë se duhet orientuar për zgjedhjen e presidentit: Fusha politike diplomatike dhe fusha akademike, për të krijuar një autoritet sa moral dhe integritet për të qenë president i republikës.
Mediu ndër të tjera komentoi dhe lajmet në lidhje me komunikimin e mundshëm me Enkelejd Alibeja dhe Monika Kryemadhin, ku ka thënë se këtyre të fundit u ka shprehur qëndrimin e Aleacës për presidentin.
Fatmir Mediu: Kam komunikuar me Alibeajn dhe Kryemadhin qëndrimin e grupit parlamentar të Aleancës për Ndryshim ashtu siç ua kam komunikuar edhe kolegëve të tjerë. E nevojshme është ulja e të gjithë opozitës në mënyrë të përbashkët./m.j
