Presidenti i zgjedhur, Jair Bolsonaro është shprehur i vendosur për të ndryshuar ligjin për mbajtjen e armëve në Brazil, një nga temat kryesore të fushatës dhe i propozoi postin e Ministrit të Drejtësisë, gjyqtarit, Sergio Morro, simbol i luftës kundër korrupsionit.
Në intervistën e parë për mediet, një ditë pas fitores së pastër në zgjedhjet presidenciale, presidenti i ekstremit të djathtë iu rikthye zgjidhjes së tij më radikale në luftën kundër dhunës: liberalizimin e mbajtjes së armëve.
Dhuna e rendit Brazilin, me rreth 64 000 vrasje vetëm vitin e kaluar, ku 70% e tyre me armë zjarri, si një nga vendet më të rrezikshme në botë, që së bashku me korrupsion mbeten shqetësimi kryesor i 57 milionë votuesve që votuan për Bolsonaron, përgatiti Express. (b.an)
