Qyteza e Perro Guirec në Francë u miqësua shumë me Kombëtaren dhe me shqiptarët. Gjatë qëndrimit në këtë vend për Euro 2016, drejtuesit e pushtetit vendor dhe vetë banorët pranë qendrës stërvitore që përdornin kuqezinjtë ishin shumë miqësorë me këta të fundit.
Mirëpo, presidenti i ekipit të Montpeliesë, Gerard Julien, që luan në stadiumin ku janë përgatitur italianët, ka deklaruar se ka mbetur i kënaqur që nuk ka qenë Shqipëria skuadra që zhvillonte përgatitjet në këtë impiant.
“Ishin disa Kombëtare si alternativë për të përdorur këtë stadium. Më vjen shumë mirë që nuk ishte Shqipëria, por erdhi Italia. Zvicra dhe Turqia ishin gjithashtu kandidate. Konte ishte një personazh pozitiv dhe kam biseduar me të për shumë gjëra. Madje, kam mësuar prej tij në lidhje me futbollin”, ka deklaruar presidenti i Montpeliesë.
panorama/d.i.
