- Ka mbërritur në Tiranë Presidenti i Këshillit Europian Donald Tusk. Për ta pritur në aeroportin e Rinasit kishte dalë Ministrja e Integrimit Europian, znj. Klajda Gjosha dhe delegacioni shqiptar. Në axhendën e publikuar nga zyra e kryeministrisë bëhet e ditur se zyrtari i lartë i Bashkimit Europian do të pritet ditën e diel në orën 10:00 nga kryeministri Edi Rama. Më pas të dy do të japin një konferencë të përbashkët për mediat. Ndalesa në Tiranë është pjesë e një turi 24 orësh që Presidenti i Këshillit Europian do të ketë në Ballkan.
Presidenti i KE-së Tusk mbërrin në Tiranë
