Një muaj para se vendet e Bashkimit Europian të marrin një vendim për hapjen e negociatave me Shqipërinë, Presidenti i Këshillit Evropian Donald Tusk viziton sot Tiranën për rreth 2 orë.
Tusk ka mbërritur në ambientet e kryeministrisë dhe së bashku me të në kryeministri e ka shoqëruar edhe ambasadori i BE, Luigi Soreca.
Kryeministri Rama i ka bërë një pritje të ngrohtë Donald Tusk, ku në një moment i ka hedhur edhe dorën rreth qafës, dhe më pas duke biseduar janë drejtuar drejt ambienteve të brendshme të Kryeministrisë.
Në axhendën e tij është parashikuar vetëm një takim në orën 15:00 me kryeministrin Edi Rama për të diskutuar për të gjitha detyrat të cilat duhet të plotësojë vendi ynë për të marrë një përgjigje pozitive.
g.kosovari
