Fushata e dy kandidatëve demokratë për president të SHBA-së, Hillary Clinton dhe Bernie Sanders, është zhvendosur në Las Vegas, Nevada. Gara finale mes dy kandidatëve në Nevada do të mbahet më 20 shkurt. Të dy kandidatët apeluan për votën e njerëzve me ngjyrë dhe latinëve, që përbëjnë 32 për qind të popullsisë në Las Vegas.
Grupi Parlamentar Demokrat në Nevada, që përbëhet nga më shumë se një e katërta nga latinët, konsiderohet si një test i rëndësishëm si për Sandersin, ashtu dhe Clintonin. Fushata e kandidates për postin e presidentit amerikan, Hillary Clinton, në Nevada ka filluar që në prillin e vitit të kaluar. Ndërsa fundjavën e kaluar ajo iu drejtua mbështetësve të saj me fjalët: “Ju lutem sillni miqtë tuaj, fqinjët, familjen tuaj dhe unë ju premtoj se do të punoj me zemër çdo ditë për progresin që do të na bëjë krenarë”. Ndërsa kandidati tjetër, Bernie Sanders, u shpreh se nëse mbështetësit e tij do t’i qëndrojnë besnikë, fitorja e tij në Nevada është e sigurt.
