Liderja e ekstremit të djathtë, Marine Le Pen, dhe ai i qendrës, Emmanuel Macron, do ta udhëheqin rundin e parë të votimit në zgjedhjet presidenciale në Francë, me nga 23% secili, sipas një studimi të kryer nga anketuesi “Elabe” për mediat franceze L’Express dhe BFMTV.
Dy kandidatët që fitojnë më së shumti vota në rundin e parë të zgjedhjeve më 23 prill, do të kalojnë në balotazh, i cili mbahet më 7 maj. Sipas sondazhit me 1.000 votues, në rundin e dytë Macon do ta mposhte Le Penin, Fillonin apo Melenchonin. E Melenchon do ta mposhte Le Penin apo Fillonin, por do të humbiste ndaj Macronit. Fillon do ta mposhte Le Penin, por do të humbiste ndaj secilit prej kandidatëve tjerë udhëheqës.
ma.me
