I premtuan martesë, 21-vjeçarja përfundoi prostitutë në rrugët e Barcelonës

Specialistët e Seksionit për Hetimin e Trafiqeve të Paligjshme në Drejtorinë Vendore të Policisë Fier, shpallën në kërkim policor dhe po punojnë për kapjen e shtetasit P.M, 35 vjeç, banues në Elbasan.

Në datën 13.06.2017, në D.V.P Fier, shtetasja E.F, 21 vjeçe, banuese në Fier, ka bërë kallëzim se shtetasi P.M nëpërmjet mashtrimit për martesë e ka trafikuar dhe shfrytëzuar për prostitucion në qytetin e Barcelonës në Spanjë për një periudhë një vjeçare nga muaji Prill i vitit 2016 deri në muajin Mars të vitit 2017.

Materialet i kaluan Prokurorisë për Krimet e Rënda Tiranë për veprat penale “Trafikimi i personave të rritur dhe “Shfrytëzimi i prostitucionit” parashikuar nga Nenet 110/a e 114 të Kodit Penal./a.m.