Kryetari republikanëve, Fatmir Mediu, i renditur i 7 në listat e koalicionit PD Aleaca për Ndryshim në Qarkun e Tiranës ka zhvilluar një takim me qytetarët në njësinë 2 në kryeqytet.
Gjatë takimit, Mediu premtoi ulje të taksave për biznesin dhe heqjen e taksave te tepërta lokale.
“Ne besojmë se paratë në xhepat tuaj janë më të sigurta se paratë në xhepat e Ramës apo Erion Veliajt. Atë që dini ju ta bëni me financat, nuk di ta bëjë as Edi Rama, sepse në fund të fundit ju i shërbeni familjes suaj, kurse ata përpiqen që t`i shërbejnë klaneve të cilat kanë sjellë vetëm korrupsion”, tha Mediu.
Sërish shigjetoi qeverinë Rama për masat e marra mbi pandeminë.
“Asnje vend në rajon nuk e ka trajtuar pandeminë, sic e trajton Edi Rama për qellime politike dhe jashte cdo standarti njerezor, shëndetesor dhe qeverises. Të gjitha vendet e rajonit kanë stimuluar bizneset financiarisht, për t`i mbështetur ato, sepse po mbaroi biznesi, ka mbaruar ekonomia, ka mbaruar punësimi. Kanë trajtuar familje me pagesa nga ana e shtetit, kurse Rama të gjitha paratë që merr nga taksat tona i ka dhënë për interesa korruptive me PPP-të që ka, të cilat nuk kanë asnjë vlerë në këtë lloj situate, dhe për më tepër të thotë që ti duhet të punosh nga ora 8 deri në 6 apo deri në orën 8, dhe të kufizon oraret dhe të kufizon mundësi biznesi dhe nga ana tjetër të kërkon po të njëjtat taksa sic kanë qenë më parë. Pra të gjitha këto në kompleks tregojnë që ne kemi një qeverisje e cila ka humbur jo vetëm sensin politik por dhe sensin njerëzor.” U shpreh kandidati i opozitës për Tiranën.
25 prilli, sipas Mediut nuk është thjeshtë një ditë votimi, por bashkim kundër së keqes.
“Unë mendoj që 25 Prilli nuk është thjesht cështje votimesh, por është një moment me shumë rëndësi në historinë tonë kombëtare, jashtëzakonisht i rëndësishëm për t`a kthyer Shqipërinë në rrugën e mbarë. 25 Prilli duhet të jetë bashkimi, jo i opozitës, por bashkimi i shqiptarëve kundër së keqes. 25 Prilli duhet të jetë dita kur shqiptarët do t`i thonë po dëshirës së tyre për të punuar dhe ndërtuar ekonominë e tyre familjare, ekonominë e tyre personale. 25 Prilli është momenti kur shqiptarët duhet të rifitojnë edhe njëherë, të zgjohen dhe të shikojnë që interesi i tyre si shqiptarë është e ardhmja europiane, nuk është asnjë lloj marrëdhënie tjetër. 25 Prilli është momenti kur shqiptarët duhet të thonë; duhet të ketë shtet, që na respekton, që ne e ndërtojmë, që respekton lirinë dhe dinjitetin tonë. 25 Prilli është një moment reflektimi dhe vlerësimi i përbashkët për t`i dhënë fund klaneve korruptive, ku paratë e taksapaguesve shqiptarë shkojnë në duart e Edi Ramës dhe njerëzve afër tij.”, përfundoi Mediu në takimin në njësinë 2.
Kur flet dhe Medi Gerdci mos ngelte njeri pa fol