Në prag të përballjes së Manchester City ndaj Tottenham, mbrojtësi i “Qytetarëve” John Stones ka pretenduar se Premier League është kampionati më i fortë dhe i bukur në botë.
Pretendimi i futbollistit të përfaqësueses angleze ngrihet mbi faktin e konkurencës së madhe dhe lojës së bukur, që kapërcen pesë ekipet kryesuese të kampionatit.
“Unë besoj se deri tani kjo është liga më e fortë në botë. Çdo ekip në Premier League është shumë i fortë pavarësisht renditjes së tyre në klasifik. Të gjithë e dëshmuan sezonin e kaluar kur West Brom kishte problem, erdhi një trajner i ri dhe ata shkuan në Old Trafford dhe mundën United. Ndërkohë, përtej të gjithave ne fituam kampionatin. Mendoj se kjo tregon faktin që çdo skuadër mund të fitojë ndaj çdo ekipi. Nuk janë vetëm pesë ekipet e para të fuqishme. Në çdo moment, çdo gjë mund të ndodhë në futboll, por thellësia në ligë është e mirë. Mendoj se është e bukur pasi askush nuk e heq këmbën nga gazi, sidomos ndaj ekipeve kryesore”, deklaroi John Stones.
/b.d
