Nga Ylli Pata
Shqipëria e ka një precedent të bojkotit të opozitës në një process elektoral.
Nuk është as 1996-ta, kur opozita socialiste u intimidua me aparat policor ditë përpara, apo në vitin 1997, kur Partia Demokratike nuk mund të bënte fushatë elektorale në një pjesë të madhe të vendit, por është pikërisht viti 1998.
Në 6 nëntor të vitit 1998, Parlamenti vendosi që të kalojë në referendum Kushtetutën e Republikës, që Kuvendi e miratoi me 2/3 e votave.
Partia Demokratike, edhe atëherë në opozitë, bojkotoi procesin kushtetues që nga fillimi, deri në referendum.
Sali Berisha, atëherë kryetar i PD-së, u kërkoi shqiptarëve që të mos dalin në votime, por të ndëshkonin mazhorancën me vote, për të dhënë përveç pëlqimit mbi Kushtetutën, edhe një vullnet politik për qeverisjen.
Shqipëria në atë kohë sa kishte ardhur nga kriza e 1998 dhe shteti ishte rrënuar totalisht.
Armët ishin sheshit dhe opozita në atë kohë kërcënoi se do të ndalonte votimin.
Tensioni ishte i lartë kudo, madje në Tiranë në atë ditë kishte pak lëvizje.
Në listat zgjedhore ishin regjistruar 1.929 813 zgjedhës, dhe morën pjesë në referendum rreth 50.57% e tyre.
Që i bie rreth 965 mijë votues. Të cilët, 93% votuan pro Kushtetutës.
Shifra 965 mijë, përveçse një referendum për dokumentin themeltar të shtetit, ishte edhe një qëndrim politik për opozitën, e cila hapur shpalli “armik” procesin e votimit.
Pra i bie që rreth 1 milionë shqiptarë kanë qenë kundër politikës së Sali Berishës.
Kjo shifër mbeti si një katalizator edhe në zgjedhjet e mëpastajshme, kur donte të ndëshkonte politikisht.
Kështu nddhi edhe në vitin 2013, ku rreth 1 milion zgjedhës votuan kundër PD-së.
Deri tani mediat pranë PD, pas propagandës që nuk do të ketë zgjedhje më 30 qershor, kanë korrigjuar shënjestrën, kur thonë se do të ketë pjesëmarrje të ulët.
Po nëse pjesëmarrja do të jetë në shifrat e vitit 1998, a do ta cilësojnë ata një referendum kundër politikës së katërshes Berisha-Meta, Basha e Kryemadhi?
Dhe kur humb në një referendum, natyrisht është më i qartë vendimi, madje edhe më shumë se në zgjedhje parlamentare apo vendore… tretesh politikisht!
/TemA
