Detaje të rëndësishme nga “lufta e ftohtë” midis trajnerit Antonio Conte e Federatës Italiane (FIGC) nga njëra anë dhe klubit të Juventusit nga ana tjetër, për mbrojtësin Leonardo Bonucci. Ky i fundit është thirrur nga Conte për stazhin para kampionatit, pasi është i skualifikuar për ndeshjen kundër Milanit, finalja e Kupës së Italisë, por Juventus nuk e lejon.
Ndërkaq, siti calciomercato.com ka zbuluar se më parë ka pasur një bisedë midis drejtorit të Juventusit, Marotta, dhe manaxherit të kombëtares, Oriali, krahu i djathtë i Contes. Në këtë bisedo, Marotta ka kërkuar që Bonucci mos të thirret, edhe pse nuk luan, pasi është shumë i rëndësishëm për skuadrën. Trajneri Allegri vlerëson praninë e tij në grup dhe besimin që përcjell te lojtarët e tjerë, ndaj i kanë kërkuar federatës që ai të mos thirret, duke paralajmëruar edhe se nuk do ta lejojnë lojtarin, pasi stazhi nuk zhvillohet në data të lira të FIFA-s.
Nga kjo duket se ka pasur një kokëfortësi të papëlqyeshme nga ana e FIGC që e ka acaruar vetë situatën me klubin që e furnizon me numrin më të madh të lojtarëve kombëtaren e kaltër.
D.I.
