Shkodra u trondit sot nga një ngjarje e rëndë kriminale ku tre persona mbetën të plagosur. Vetëm pak orë pas ngjarjes, u arrestua autori i dyshuar i krimit, shtetasi Aurel Ahi, 25-vjeç banues në Shkodër.
Ky person u prangos nga policia malazeze disa orë pas krimit. Nuk dihet se si ka arritur të kalojë kufirin, por paraprakisht raportohet se ai ka kaluar në mënyrë klandestine.
Ahi plagosi shtetasi Doni Lisi, Elona Çurku dhe Enrik Prenushi. Doni Lisi, i cili mësohet se ishte objektivi i autorit, mësohet se ndodhet në gjendje të rëndë në spitalin e Shkodrës. Ai ishte nën shoqërinë e shtetases Elona Çurku, edhe kjo e plagosur. Ndërkohë Enrik Prenushi dyshohet se po kalonte rastësisht kur u shkreh arma./a.m.
