Festa e ditëlidndjes ëhtë kthyer në tragjedi për disa të rinj mbrëmjen e djeshme. Një aksident i ka marrë jetën dy 17-vjeçareve rreth orës 23.30 në Bërzhitë në Bërzhitë të Tiranës. Viktimat janë Denada Tarja dhe Suada Serani, të cilat po udhëtonin si pasagjere në automjetin që drejtohej nga Françesk Shaba 18-vjeç i cili nuk ishte i pajisur me leje drejtimi. Ai u arrestua disa orë pas aksidentit.
“Nga verifikimi i dokumentacionit, rezultoi se drejtuesi i mjetit shtetasi F.Sh, drejtonte automjetin i pa pajisur me Leje Drejtimi të grupit “B”. Drejtuesi i mjetit u verifikua me aparatin alkool testues, ku rezultoi se sasia e alkooli ne frymëmarrje ishte 0.17 mg/l”, njofton policia.
Drejtuesi i automjetit së bashku me dy pasagjerët e tjerë O. M, 14 vjeç dhe L. M, 14 vjeç janë dërguar në QSUT ku po marrin ndihmën e parë mjekësore. Ata ktheheshin nga ditëlindja e një prej dy 14-vjeçarëve.
Mësohet se mjeti ka dalë nga rruga për shkak të shpejtësisë dhe lagështirës në rrugë si pasojë e reshjeve të dendura të shiut. Ai ka dalë nga rruga duke u përplasur me një pemë. Policia njofton se grupi hetimor vijon punën për zbardhjen e rrethanave dhe shkakut të aksidentit.
