Një murator shqiptar me precedentë penalë, u arrestua nga policia italiane për posedim të lëndëve narkotike.
Në pranga përfundoi Roland Barkaj, 35 vjeç, pasi në banesën ku jetonte dhe në bodrumin e ndërtesës u gjetën rreth gjysmë kg kokainë. Burri, me banim në Oregina, u mbajt nën vëzhgim nga hetuesit kohët e fundit.
Hetuesit zbuluan se ai nuk u shiste lëndë narkotike të varurve nga droga, përkundrazi furnizonte tregtarët e vegjël, duke sjellë sasi të konsiderueshme kokaine me nga një kile e lart.
Seksioni antidrogë i policisë e ndaloi atë kur po linte bodrumin, duke gjetur brenda ndërtesës 7 kuti të vogla që përmbanin kokainë si dhe 460 euro.
Gjatë kontrollit të bodrumit u gjetën edhe tre qese të tjera me kokainë, një peshore elektronike dhe materiale për paketimin e drogës.
Gjithashtu, u gjetën edhe 4 mijë euro të tjera, të cilat janë sekuestruar pasi konsiderohen si të ardhura nga shitja e drogës. /l.m
