Vijon puna nga Strukturat e Drejtorisë Vendore të Policisë Elbasan për parandalimin, evidentimin dhe goditjen e paligjshmërisë dhe kapjen e personave të shpallur në kërkim kombëtar
Gjatë 24 orëve të fundit janë arrestuar dhe ndaluar 7 persona për vepra të ndryshme penale.
Nga specialistët për qarkullimin rrugor në DVP Elbasan, u arrestua në flagrancë shtetasi:
I.T., 66 vjeç, banues në Elbasan, pasi duke drejtuar mjetin kamion ka aksidentuar një këmbësor, shtetasin P.N.
Nga specialistët për hetimin e krimit në Komisariatin e Policisë Elbasan u arrestuan dhe u ndaluan shtetasit:
G.M., 44 vjeç, banues në Elbasan, pasi ka ushtruar dhunë fizike ndaj babait të tij, në banesë.
K.N., 30 vjeç, banues në Gjirokastër, u ndalua pasi ishte shpallur në kërkim kombëtar sepse ka kanosur dhe tentuar të ushtrojë dhunë fizike ndaj bashkëjetueses.
F.K., 37 vjeç, banues në Elbasan është kapur nga shërbimet e Policisë së Elbasanit, pasi Prokuroria e Rrethit Gjyqësor Tiranë e ka dënuar me 2 vjet burg për veprën penale “Prodhimi dhe shitja e armëve të ftohta”.
Specialistët për hetimin e krimit në Komisariatin e Policisë Librazhd arrestuan dhe ndaluan shtetasit:
A.P., 39 vjeç, banues në Librazhd, pasi për motive të dobëta ka goditur me mjete të forta vëllain e tij, si dhe ka ushtruar dhunë fizike ndaj kunatës së tij.
P. Sh., 39 vjeç, banues në Prrenjas, u kap nga shërbimet e Policisë Librazhd, pasi ishte shpallur në kërkim kombëtar, për veprën penale “Dhuna në familje”.
Nga specialistët për hetimin e krimit në Komisariatin e Policisë Gramsh, u arrestua në flagrancë shtetasi:
A.P., 44 vjeç, banues në Gramsh, pasi në fshatin Harunas, në vendin e quajtur “Bregu i Selesofit”, gjatë kontrollit të territorit nga shërbimet e Policisë, u gjetën dhe sekuestruan 42 bimë narkotike të kultivuara. Dyshohet se ky shtetas në bashkëpunim me një shtetas tjetër, i cili është shpallur në kërkim kombëtar dhe po punohet për kapjen e tij, ka kultivuar lëndë narkotike.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme. / l.m
