Kuvendi ka miratuar 6 ligjet e mbetura që bëjnë funksionale reformën në drejtësi. Në ditën që shënon “jetësimin” e reformës, nuk kanë qenë të pakta akuzat mes maxhorancës dhe opozitës. Por një detaj që nuk mund të anashkalohej këtë të enjte, ishte dhe prezenca e njërit prej prokurorëve shqiptaro- amerikanë në parlament.
Bëhet fjalë për Prokurorin Gjon Juncaj, ekspertin e misionit amerikan të OPDAT, i cili po dëgjonte me mjaft vëmendje akuzat e palëve politike, sidomos ato mes Kryeministrit Rama dhe Sali Berishës.
Afrimi i të tillë prokurorëve është një shenjë se SHBA po përzgjedh gjyqtarët dhe prokurorët e të nesërmes, që do të jenë dhe “xhelatët” e të korruptuarve në sistemin e drejtësisë.
Gjon Juncaj ofron ekspertizën e drejtpërdrejtë mbi çështjet e korrupsionit për zyrtarët si dhe hetimit pasuror pranë njësisë antikorrupsion në Prokurorinë e Krimeve të Rënda ka ndjekur sot nga afër punimet e seancës plenare./java
