Tre vite pa paguar energjinë elektrike, selia e Partisë Republikane në Tiranë përballet me përmbarimin për të paguar borxhin pranë korporatës energjetike.
Vendimi është marrë nga gjyqtarja Rezarta Mataj e cila ka urdhëruar Përmbarimin të ekzekutojë këtë borxh pasi faturat e papaguara janë cilësuar titull ekzekutiv dhe duhen likuiduar për llogari të operatorit të energjisë.
Gjykata nuk jep të dhëna për shifrën e papaguar, por e përllogaritur në 3 vite me siguri ajo është një faturë e kripur e cila tashmë duhet të paguhet.
