Nga Eduard Zaloshnja
Në botën perëndimore porositen sondazhe rigoroze opinioni pothuaj të përditshme nga media të ndryshme, për të matur pulsin e qytetarëve të thjeshtë për çështje të rëndësishme të ditës. Në Shqipëri janë shumë më të rralla porosi të tilla për sondazhe.
Sidoqoftë, disa portale zhvillojnë përditë sondazhe online, ku i kërkojnë audiencës së tyre të shprehet për çështjet e nxehta të ditës. Dy ndër to, janë Shqiptarja.com dhe BalkanWeb. Në ditën e djeshme, ato e pyetën audiencën rreth opinionit për luftën e SPAK-ut ndaj krimit të organizuar.
Në sondazhin online tek Shqiptarja.com, 74.3% e lexuesve që morën pjesë në sondazh e vlerësonin pozitivisht luftën e SPAK-ut ndaj grupeve kriminale. Ndërsa në sondazhin online tek BalkanWeb, 62.8% e lexuesve që morën pjesë në sondazh e vlerësonin pozitivisht luftën e SPAK-ut ndaj krimit të organizuar (shihni dy sondazhet më poshtë).
Sondazhet online në portale nuk mund të përfaqësojnë statistikisht të gjithë popullsinë. Sidoqoftë, meqë kemi të bejmë me dy audienca të ndryshme portalesh, një mesatare e ponderuar e tyre mund të na japë një ide të përafërt të opinionit të shqiptarëve të thjeshtë.
Duke ponderuar numrin e votuesve në secilin sondazh me përgjigjet që kanë dhënë ata, rezulton se pothuaj 70% kanë një vlerësim pozitiv për luftën e SPAK-ut ndaj krimit të organizuar. Pra me afërsi, mund të thuhet se pothuaj 70% e shqiptarëve të thjeshtë kanë aktualisht një vlerësim pozitiv për luftën e SPAK-ut ndaj krimit të organizuar.
Tani qe tju hap syte.ne populli e dime qe SPAK u krijua nga Amerikanet qe te veje ne pushtet njerezit e saj por tani SPAK kontrollohet nga Edi Rama ne e dime.kur votojme shtipim jemi te kenaqur nga SPAK qe te fitoje pik Edi Rama kur behet pyetja qe SPAK eshte i pavarur apo kontrollohet nga Rama ne e dime qe kontrollohet nga Rama por shtypim qe eshte i pa varur qe te fitoje pike Edi Rama.ne duam nje Shqiperi me ushtri fabrika bujqesi dhe tek Edi Rama kemi nje shprese.