Polonia do të refuzojë pranimin e refugjatëve në territorin e saj, si pjesë e një programi shpërndarjeje nga ana e Bashkimit Evropian, deklaroi sot kryeministrja polake, Beata Szydlo, në një reagim ndaj atentateve të djeshme vdekjeprurëse në Bruksel.
“Pas asaj që ndodhi në Bruksel, e kam të pamundur të them se ne do të mund të pranonim sërish refugjatë”, deklaroi Szydlo për televizionin privat polak, Superstacja.
Deri tani, qeveria konservatore polake ka pritur 7 000 refugjatë duke respektuar një angazhim të marrë më parë nga qeveria e qendrës e ish-kryeministres, Ewa Kopacz.
Të paktën 31 persona u vranë dhe 270 të tjerë u plagosën pas atentateve të djeshme në aeroportin dhe metronë e Brukselit.
