Ish-kryetari i Gjykatës së Kasacionit, Zef Brozi përmes një postimi në rrjetet sociale ka bërë apel për protestë paqësore mbrëmjen e sotme, ku opozita do të zhvillojë tubimin e nëntë kombëtar kundër qeverisë Rama. Ai u bën thirrje atyre që do të marrin pjesë në protestë që të zbatojnë ligjin dhe të mos dhunojnë policët e institucionet. Ndërsa për drejtuesit e opozitës ka një apel që ta lexojnë, kuptojnë dhe zbatojnë plotësisht mesazhin e qartë të ambasadës amerikane.
“Duke qene se sot opozita do te protestoje ne Tirane, ju bej thirrje te gjithe atyre qe do jene ne proteste te zbatojne ligjin, te mos dhunojne policet e institucionet, te mos demtojne pronen publike dhe pronat private te qytetareve. Protestoni por mos na e demtoni e turperoni Tiranen dhe Shqiperine tone te dashur e te bukur!
Dua te theksoj me force se eshte ne te mire te tyre dhe te Shqiperise qe drejtuesit e opozites ta lexojne, kuptojne dhe zbatojne plotesisht mesazhin e qarte te Ambasades Amerikane. Ne fakt ai eshte shume me teper se mesazh. Shqiperia jone e dashur nuk duhet e as mund ta pranoje talebanizmin qe aq shemtueshem po shfaqet ne disa akte te opozites” shkruan ai.
g.kosovari
