Prodhuesi i makinave luksoze sportive ”Porsche” i Volkswagen-it, ka emëruar sot shefin e prodhimeve, Oliver Blume si shefin e ri ekzekutiv, pjesë kjo e masave për riorganizimin e menaxhimit të VW, pas bujës së skandalit.
Bordi i vëzhgimit i ”Porsche” deklaroi se 47-vjeçari, Blume do të pasojë Matthias Mueller, i cili javën e kaluar u emërua shefi ekzekutiv i Volkswagen-it pasi kompania u zhyt në krizë, për shkak të zbulimit se ajo kishte instaluar një pajisje mashtruese në makinat me motor diesel, për të kaluar testet e kontrollit për ndotje.
Mueller mori detyrën pas Martin Winterkorn, i cili dha dorëheqjen duke marrë përgjegjësinë për skandalin që fshiu 1/3 e vlerës së kompanisë gjatë javës së kaluar.
Volkswagen bëri me dije se shumë sheaf të tjerë kanë dhënë dorëheqjen pas skandalit.
