Presidentja e Kosovës, Vjosa Osmani, ka njoftuar se Polonia do t’ia japë Kosovës një donacion prej 100 mijë vaksinave anti-COVID të kompanisë Pfizer.
Lajmin e ka bërë të ditur, Presidentja e Kosovës, Vjosa Osmani me anë të një postimi në rrjetet sociale. Ajo ka falënderuar Poloninë, por edhe gjithë aleatet që i kanë qëndruar në krah Kosovës.
“Sot jam informuar nga autoritetet polake se do t’i japin donacion 100 mijë vaksina të Pfizerit për Kosovën. Faleminderit Polonisë dhe gjithë aleatëve që po qëndrojnë krah nesh në këto kohë të vështira gjatë pandemisë”, ka shkruar Osmani në Twitter.
Kujtojmë që Kosova ka shënuar një rritje të rasteve me Covid, por edhe të viktimave.
g.kosovari
