Prokuroria polake njoftoi sot se ka nisur një proces hetimor për “neglizhencë ose abuzim me kompetencat e përcaktuara me ligj kundrejt kreut të Gjykatës Kushtetuese, Andrzej Rzeplinski, në konflikt të hapur me konservatorët në pushtet në Varshavë.
Hetimi ka nisur pas një ankese të një prej tre gjyqëtarëve të kësaj Gjykate, i përzgjedhur nga shumica konservatore në Parlament por e anashkaluar si çështje nga rendi i ditës nga ana e Rzeplinski”, bëri të ditur një zëdhënës i Prokurorisë, Ireneusz Kunert, cituar nga media.
“Hetimi është i fokusuar aktualisht në një shkëmbim email-esh midis një prokurori dhe Gjykatës Kushtetuese. Asnjë dëshmitar nuk ka zhvilluar seancë dëgjimore”, deklaroi Kunert.
Kjo masë të krijon përshtypjen e një seri përpjekjesh të konservatorëve të partisë për Ligj dhe Drejtësi (PiS) të Jaroslaw Kaczynski-t për të modifikuar rregullat e funksionimit të këtij institucioni, roli i së cilit është për të siguruar pajtueshmërinë e ligjeve me Kushtetutën. Sipas vendimit të Gjykatës, emërimi i tre gjyqëtarëve nuk është legjitimuar ende. /r.a
