Pak orë më parë një grabitje ndodhi në zonën e Brrylit, pranë maternitetit Koço Gliozheni në Tiranë. I vetmi problem me këtë ngjarje ishte se ishte një fiksion i prodhuar nga mendja e vetë atij që kishte denoncuar se e kishin vjedhur dy persona nën kërcënimin e armëve. Menaxheri i supermarketit Albi Celiku, 27 vjeçar, kishte shpikur ngjarjen e grabitjes për të justifikuar faktin se lekët e xhiros së biznesit ishin zhdukur, por nga vetë duart e tij. I riu i kishte bërë 5 milionë lekët e marketit ku punonte, lloto nëpër disa pika bastesh.
Njoftimi:
Ky shtetas më datë 02.10.2017, rreth orës 10:50, ka bërë njoftim të rremë në organet e policisë të rendit, duke njoftuar se është grabitur nga persona të armatosur të cilët i kanë vjedhur me dhunë shumën prej 500 000 lekë të reja.
Nga hetimet e kryera rezulton se ky shtetas shumën prej 500 000 lekë të reja e ka lënë në disa pika bastesh.
Nga ana e shërbimeve të policisë janë dokumentuar dhe ambientet se ku ky shtetas ka humbur këtë shumë lekësh duke luajtur në disa pika bastesh sportive.
Materialet iu referuan Prokurorisë së Rrethit Gjyqësorë Tiranë, në ngarkim të shtetasit të lartpërmendur për veprën penale ” Kallzim i rremë në organet e policisë”, parashikuar nga neni 305 i Kodit Penal.
ma.me
