Mbrëmja e te shtunes dhe mengjezi i te dieles kane rezultuar te lodhshem për policinë dhe kjo duket nga masat ekstreme ndaj kundravajtesve.
Policia Rrugore e Tiranës ka shtuar në të gjitha segmentet Kontrollet me radar në disa pika gjatë fundjavës.
Kurse gjatë 48 orëve të fundit kanë pezulluar 39 Leje Drejtimi për shpejtësi tej normave të lejuara në autostradën Tiranë-Durrës. Policia thotë se mes shoferëve ka pasur nga ata që udhëtonin me shpejtësi që varionin nga 140 km/h deri në ekstrem 223 km/h dhe se janë ndëshkuar me masë administrative për OASh për pezullim të Lejes së Drejtimit.
“Qëllimi jonë s’është masa administrative, por parandalimi i aksidenteve/shpëtimi i jetëve si pasojë e kësaj papërgjegjshmërie të këtyre drejtuesve të automjeteve, të cilët duke drejtuar makina prodhime të viteve të fundit, nuk respektojnë asnjë normë të qarkullimit në rrugë. Do shtojë akoma më shumë kontrollet me qëllim rritjen e parametrave të sigurisë rrugore dhe apelon për më shumë përgjegjshmëri gjatë drejtimit të automjetit”,- bën me dije policia për mediat. (b.an)
