Forca policore të maskuara, në këto momente ndodhen rreth banesës së deputeti të Vetëvendosjes, Albin Kurti.
Njësitet kanë rrethuar godinën ku banon Kurti me familjen e tij të ngushtë, ndërkohë nuk kemi informacione nëse brenda banesës ndodhej ai ose dikush nga familjarët e tij, raporton KosovaPress.
Njësia Speciale e Policisë së Kosovës kanë bllokuar edhe hyrje daljet e rrugës që të lidh me banesën e Kurtit.
Shtohen forcat e policisë para banesës së Kurtit. Policia duket e armatosur fortë, ndërkohë që flitet se Kurti mund të ndodhet në zonën për rreth banesës së tij. Porta e hyrjes së banesës së Kurtit është thyer nga policia, meqë askush nuk i është përgjigjur thirrjeve të policisë për hapjen e dyerve të hyrjes.
Burime të KosovaPress nga VV tregojnë se Albin Kurti në momentin e bastisjes së shtëpisë së tij nuk ndodhej në banesë. Nuk dihet vendndodhja momentale e Kurtit.
Ndërka, është arrestuar shefja e deputetëve të AAK-së, Donika Kadaj Bujupi, e cila ka hedhur gaz lotsjellës në Kuvend në seancat e mëparshme.
Kadaj Bujupi është dërguar në Pallatin e Drejtësisë në Hajvali.
