Policia e Shtetit ka nisur një kasion masiv anti-kanabis në disa qarqe të vendit. Rreth 300 forca policore kanë zbritur në terren në zona që njihen si problematike për kultivimin e kanabisit.
Operacioni ka nisur prej orës 4 të mëngjesit të sotëm në zonën e Dukajginit në Shkodër, në lumin e Vlorës, Kurvelesh të Tepelenës etj.
Objektiv i operacionit është konstatimi i magazinave të tharjes dhe përgatitjes së lëndës narkotike për tu nxjerrë në treg. Paraprakisht raportohet për disa persona të arrestuar.
Rezultatet e para nga operacioni i sotëm:
VLORË
Zbulohen 50 kg hashash në një pallat
Arrestohet pronari i pallatit
Zbulohen magazina hashashi në Kallarat, Mesaplik. Janë arrestuar 4 persona
NIKËL KRUJË
Drogë në një magazinë, 85 kg kanabis e gatshme për shitje. 2 në pranga
Policia ka zbuluar një magazinë për tharjen e drogës në Nikël të Krujës. Gjatë një operacioni të mbajtur mbrëmjen e djeshme policia sekuestroi rreth 85 kg kanabis në një hangar shkruan Shqiptarja. Droga ishte e tharë dhe e gatshme për t’u shitur. Ndërkohë policia ka sekuestruar edhe disa bimë të tjera të cilat ishin të pakorrura. Gjatë aksionit, janë arrestuar 2 persona dhe po ndiqet në gjendje të lirë një tjetër.
Frika nga dekonspirimi, Policia e Shkodrës jashtë operacionit
Mësohet se Policia e Shkodrës është lënë jashtë operacionit dhe në zonat veriore po veprojnë vetëm Forcat e Ndërhyrjes së Shpejtë. Shkak i mospërfshirjes së policisë rajonale në operacion, mësohet se është frika se mos aksioni dekonspirohet.
Njoftimi paraprak i policisw:
Policia e Shtetit ne operacion masiv anticanabis.
Mbi 300 forca policore te angazhuara ne disa qarqe.
Operacion masiv ne Shkoder, Vlore e Gjirokaster
Operavioni i shtrire ne Zonat e Dukagjinit, Lumit te vlores, Kurvelesh e Memaliaj./a.m.
