Policia ka dhënë bilancin e efektive të policisë të lënduar ditën e sotme gjatë protestës së opozitës. Policia e Shtetit bën me dije se janë lënduar gjashtë uniforma blu, tre të Forcave të Posaçme “Shqiponja”, dhe tre efektivë të komisariatit Nr.1.
Sipas policisë të lënduar kanë mbetur O.M, V.T dhe M.A, të cilët janë pjesë e Forcave të Posaçme “Shqiponja”, ndërsa efektivët e Komisariatit Nr.1 që kanë mbetur të lënduar janë N.K, E.X dhe D.B, ku dy prej uniformave blu me shërbim në Komisariatin Nr. 1, janë femra.
Njoftimi:
Gjatë protestës së sotme të opozitës të zhvilluar para Kuvendit të Shqipërisë janë lënduar dhe kanë marrë ndihmë mjekesore 6 punonjës policie, konkretisht:
O.M, V.T dhe M.A, efektiv policie te Forca e Posaçme ‘Shqiponja’.
N.K, E.X dhe D.B, efektivë policie të Komisariatit të Policisë nr 1, nga të cilët dy prej tyre femra.
Policia e Shtetit në bashkëpunim me Prokurorinë e Rrethit Gjyqësor Tiranë po vijon verifikimet për identifikimin e gjithë personave, të cilët kanë ushtruar dhunë gjatë protestës.
