Baki Kelani nga Policia e Kosovës, përmes një konference për media, ka thënë se ky institucion gjatë ditës ka vazhduar të mbaj të informuar qytetarët për ruajtjen e rendit.
Policia ka bërë me kohë të ditur përgatitjen e planit për ruajtjen e rendit dhe ofrimin e sigurisë për pjesëmarrës. “Raportimet se policia ka penguar pjesëmarrësit në protestë janë dezinformatë. Policia në asnjë rast të vetëm nuk ka penguar qytetarët që të marrin pjesë në protestë”, ka thënë Kelani.
“Policia e Kosovës ka qenë shumë e vetëpërmbajtur, duke mos reaguar edhe përkundër gjithë atyre hedhjeve, deri tek koktej molotovi, mjet i cili mund të jetë vdekjeprurës. Policët kanë qëndruar në formë kordoni për një kohë duke vëzhguar protestuesit. Edhe personat përgjegjës për mbarëvajtjen e protestës janë munduar që të qetësojnë protestuesit, por s’ka qenë e mundur”, ka thënë Kelani.
