Me rastin e 105-vjetorit të Policisë së Shtetit, Drejtoria Vendore e Policisë Tiranë krahas aktiviteteve të ndryshme që do të organizojë ka hapur dhe dyert për t’u vizituar nga qytetarë dhe nxënës të shkollave të ndryshme.
Ditën e sotme ambientet e Komisariatit të Policisë Nr.3 janë vizituar nga nxënësit e shkollave 9- vjeçare dhe të mesme.
Nxënësit e shkollave u njohën më nga afër me punën dhe dinamikën e këtij Komisariati.
Gjithashtu në vijim u zhvillua një takim me qytetarë të ndryshëm dhe Specialistë të Policimit në Komunitet të Komisariatit nr.2, në zyrën “Qytetarët në shërbimin tuaj”, pranë njësisë administrative nr.5.
Nxënësit u njohën më nga afër me shërbimin që ofron kjo zyrë, ku Specialistët e Policimit në Komunitet do të jenë në shërbim të qytetarëve.
Punonjësit e Policisë shprehën gatishmërinë për t’i ardhur në ndihmë çdo problemi apo kërkese që do të paraqesin qytetarët. /b.d
